Құрметті ұстаздар, ата-аналар, оқушылар және ауылдастар!
Сіздерді еліміздің ең маңызды ұлттық мерекелерінің бірі – 25 қазан Республика күнімен шын жүректен құттықтаймын!
Республика күні – халқымыздың тәуелсіздікке ұмтылысын, елдік мұратын, азаттыққа деген асқақ рухын айшықтайтын ерекше мереке. Бұл күн – Отанымызға деген сүйіспеншілікті арттырып, бірлік пен ынтымақтың, бейбітшілік пен тұрақтылықтың қадірін терең сезінетін қастерлі күн.
Туған жерге деген құрмет, ел болашағына деген жауапкершілік әрбір азаматтың жүрегінен орын алуы тиіс. Әсіресе, жас ұрпаққа ұлттық құндылықтарды дәріптеу, отансүйгіштік тәрбие беру және саналы, білімді, бәсекеге қабілетті ұрпақ қалыптастыру – біздің ортақ міндетіміз.
Біздің мектебіміздің басты мақсаты – сапалы білім мен саналы тәрбие бере отырып, елін сүйетін, туған жерін құрметтейтін, мемлекетіміздің дамуына үлес қоса алатын азаматтарды тәрбиелеу.
Осы мерейлі мерекеде баршаңызға зор денсаулық, отбасыларыңызға амандық, шаңырақтарыңызға шаттық пен береке тілеймін! Еліміз аман, жұртымыз тыныш, тәуелсіздігіміз тұғырлы болсын! Қазақстанымыз өркендеп, көк байрағымыз әрдайым биікте желбіресін!
Республика күні құтты болсын!
Ізгі құрметпен,
№2 Маржанбұлақ орта мектебінің директоры
Р. Ж. Айтжанова