«Ақтөбе облысының білім басқармасы

Алға ауданының білім бөлімі» мемлекеттік мекемесінің
«№2 МАРЖАНБҰЛАҚ ОРТА МЕКТЕБІ» коммуналдық мемлекеттік мекемесі

Күзгі демалыс – рухани байлықты арттыратын мезгіл! 🍁
"Балалар кітапханасы" жобасы аясында мектебіміздің оқушылары "Күзгі демалыста кітап оқимыз" тақырыбында кітап әлеміне саяхат жасауда.
Оралбай Перизат – Мұқағали Мақатаевтың шығармашылығына ерекше қызығушылық танытып, ақынның шығармаларын оқып, өз әсерімен бөлісіп, достарына оқуға ұсынды.

«Бауыржан Момышұлының туғанына 115 жыл»
Бүгін мектебімізде Бауыржан Момышұлының туғанына 115 жыл толуына арналған танымдық сабақ өтті.
Сабақ барысында оқушылар батырдың өмір жолы мен Ұлы Отан соғысындағы ерліктерімен танысып, оның ұлт алдындағы еңбегіне терең үңілді.
Іс-шараның мақсаты – жас ұрпақтың бойында отансүйгіштік сезімін қалыптастыру, батырдың қайсар рухы мен патриоттық өнегесін дәріптеу.

КІТАП СЫЙЛА – БІЛІМ СЫЙЛА! 🕊️
Өзің оқып болған кітапты мектеп кітапханасына сыйла да, өзгеге жаңа әлемнің есігін ашуға көмектес! 🌍
Кітап – ең қымбат сыйлық, ал білім – мәңгілік байлық.
* Қабылданады:
* Көркем әдебиет
* Балалар кітаптары
* Энциклопедиялар
* Оқулықтар (жақсы күйде)
📌 Өтетін орны: Мектеп кітапханасы
⏰ Уақыты: 23 қазан
Бір кітап – бір үміт!
Кітап сыйла, жүрек жылуын бөліс!

📚 5 ҚЫРКҮЙЕК – ТІЛДЕР КҮНІ!

Тіл – халықтың жаны, рухани байлығы мен болмысы.
Осыған орай мектебімізде «Тіл – тұғырым, ел – қыдырым» атты кітап көрмесі ұйымдастырылды.

Көрмеде қазақ тілінің дамуына үлес қосқан Ахмет Байтұрсынұлы, Сәкен Сейфуллин, Мұхтар Әуезов, Ғабит Мүсірепов сынды ұлт зиялыларының еңбектері, сондай-ақ тіл, әдебиет және мәдениет тақырыптарына арналған түрлі танымдық кітаптар қойылды.

Мақсат – оқушылардың тілге деген құрметін арттыру, ана тіліміздің құндылығын дәріптеу және көркем сөзге, әдебиетке қызығушылығын дамыту.